Komisioni Europian rekomandon pa kushte hapjen e negociatave për anëtarësimin në Bashkimin Evropian të Shqipërisë dhe Maqedonisë së Veriut. Në prezantimin e progres-raportit për ecurinë e vendit tonë në sajë të 5 prioriteteve kyçe për negociatat, eurokomisioneri Johannes Hahn tha se Shqipëria ka bërë progres, dhe ka përmbushur reforma të cilat duhen shpërblyer nga Bashkimi Evropian.
Lidhur me këtë zhvillim, ka reaguar edhe ambasadori i Italisë në vendin tonë, Alberto Cutillo.
Pas publikimit të raportit për Shqipërinë, ambasadori i Italisë në vendin tonë Alberto Cutillo, ka përgëzuar shqiptarët për këtë rekomandim pozitiv.
“Përgëzoj shqiptarët për rekomandimin pozitiv, për çeljen e negociatave të anëtarësimit të miratuar sot. Inkurajoj të gjithë shtetasit të cilët ëndërrojnë BE, të bashkojnë përpjekjet për çeljen e negociatave të anëtarësimit në qershor”, thuhet në reagimin e ambasadorit Cutillo.
