Ambasadori amerikan në Serbi, Anthony Godfrey u shpreh gjatë një interviste për televizionin publik të Serbisë se objektivi i SHBA-vë është që të nxisë ndërtimin e një dialogu mes Beogradit dhe Prishtinës.
Ai shton se nga gjeta e një gjuhe të përbashkët mes Kosovës dhe Serbisë do të përfitonte i gjithë Ballkani.
“Një zgjidhje afatgjatë do të ishte ajo që do ta gjenin të dyja palët, me të cilën të dyja palët mund të jetojnë dhe që do të çonte në stabilitet rajonal. Çdo zgjidhje tjetër që është e padrejtë, e pabalancuar apo e imponuar nga jashtë nuk do të ishte afatgjate”, tha mes të tjerash Godfrey.
Po ashtu, ambasadori theksoi se interesi i SHBA-së është ta bëjë Ballkanin Perëndimor vend të stabilitetit e prosperitetit.
“Për sa na përket neve, por edhe Serbisë, mënyra më e mirë për të arritur këtë është duke ndjekur rrugën e Bashkimit Evropian.
Pra, qëllimi im është të përdor të gjithë energjinë time dhe të gjitha resurset e Ambasadës Amerikane në Beograd për ta ndihmuar Serbinë të arrijë këtë qëllim që ia ka vënë vetes, dhe ai është anëtarësimi në BE”, deklaroi Godfrey.
