Ambasada e Republikës së Turqisë në Kosovë ka përgënjeshtruar një shkrim të publikuar në portalin “Almakos”.
Ky i fundit, në një artikull të publikuar shkruante se Presidenti i Turqisë i ka quajtur politikanët e Kosovës “të fëlliqur”, shkruan Zëri.
Kështu, ky lajm ka sjellë reagimin e Ambasadës së Turqisë në Prishtinë, e cila shkruan se publikimi i një lajmi të tillë të rremë është absolutisht i papranueshëm dhe po ashtu në kundërshtim me parimet e gazetarisë:
“Lajmi që përmban deklarata të pavërteta i cili u publikua edhe në një gazetë në Kosovë është absolutisht i papranueshëm dhe është në kundërshtim me parimet e gazetarisë.
Dëshirojmë të theksojmë edhe njëherë se në kornizat e marrëdhënieve të shkëlqyeshme, më të gjitha institucionet Turke do të vazhdojmë bashkëpunimin e afërt dhe të punojmë me institucionet e Kosovës dhe popullin Kosovarë”, thuhet ne reagimin e Ambasada e Republikës së Turqisë në Prishtinë.
