Ambasada e SHBA-së ka zbardhur takimin e ambasadores Yuri Kim me kryeministrin Rama. Në njoftimin e shpërdarë në faqen zyrtare në Facebook, thuhet se me interes është dakordësia për reformën zgjedhore.
Ky është takimi i dytë që ambasadorja Kim zhvillon brenda pak ditësh me kryeministrin Edi Rama. Takimi i disa ditëve më parë u zhvillua përpara vendimit për shembjen e Teatrit Kombëtar.
Pjesë e agjendës së ambasadores amerikane është edhe një takim që ajo do të mbajë me kryedemokratin Basha.
Njoftimi
Ambasadorja e SHBA Yuri Kim u takua sot me Kryeministrin Rama për të diskutuar mbi ngjarjet e fundit. Ambasadorja theksoi rëndësinë që ka gjithëpërfshirja dhe diskutimet e mirëmenduara në qeverisje, në përputhje me statusin e Shqipërisë si anëtare e NATO-s dhe vend që synon anëtarësimin në BE. Ata u pajtuan se është thelbësore që Shqipëria të vijojë në rrugën e saj drejt arritjes së dakortësisë për reformën zgjedhore dhe masave të tjera që u janë premtuar qytetarëve të Shqipërisë. Ambasadorja Kim do të takohet edhe me kreun e PD-së Basha së shpejti.
