Ambasada e SHBA-ve nuk mbështet ndonjë parti politike apo kandidatë për zgjedhjet e parakohshme parlamentare të 6 tetorit në Kosovë.
“Qeveria e SHBA-ve nuk parapëlqen dhe nuk mbështetë ndonjë parti politike apo kandidatë në zgjedhjet e kësaj jave. Ne respektojmë të drejtën dhe përgjegjësinë e votuesve të Kosovës që të zgjedhin të ardhmen e tyre”, thuhet në deklaratën e Ambasadës së SHBA-së.
Sakaq, partitë politike kanë nisur fushatën elektorale. Gjithsej 25 subjekte politike nga të cilat 20 parti dhe katër koalicione do të konkurrojnë me rreth 1070 kandidatë për parlamentin 120 vendesh të Kosovës, ndërsa të regjistruar janë mbi një milion e 900 mijë votues. Policia e Kosovës dhe mekanizmat e tjerë për mbarëvajtjen e procesit zgjedhor thonë se janë duke bashkërenduar planet e veprimit për të siguruar një proces te qetë zgjedhor.
