Ambasada Amerikane në Tiranë ka njoftuar pezullimin e shërbimeve për qytetarët amerikanë. Duke reaguar ndaj sfidës mbarë botërore lidhur me situatën e rëndë nga koronavirusi, Ambasada Amerikane bën me dije se ka pezulluar shërbimet rutinë të vizave, duke filluar nga data 20 mars 2020.
Në një kohë kur pandemia ka pushtuar botën, dhe ende nuk është gjetur një vaksinë, duket sikur çdo gjë është ndalur. Ambasadat dhe Konsullatat kanë anuluar të gjitha takimet rutinë të vizave dhe shërbimeve për qytetarët amerikanë. Përjashtim bëjnë vetëm rastet e emergjencave.
Njoftimi
Në përgjigje të sfidave mbarë botërore lidhur me pandeminë COVID-19, Departamenti i Shtetit pezulloi shërbimet rutinë të vizave në të gjitha Ambasadat dhe Konsullatat Amerikane duke filluar nga data 20 mars 2020. Ambasadat dhe Konsullatat kanë anulluar të gjitha takimet rutinë të vizave dhe shërbimeve për qytetarët amerikanë. Ambasada e Shteteve të Bashkuara në Tiranë ofron vetëm shërbime në raste emergjencash. Për më shumë informacion mbi vizat, klikoni këtu ? https://bit.ly/3cE8BSB
Për më shumë informacion mbi shërbimet për qytetarët amerikanë, klikoni këtu ? https://bit.ly/2yDE9t6
