Avokati i njohur Altin Goxhaj ka njoftuar se brenda kësaj jave, do të krijohet formacioni i ri politik i quajtur Antiestablishment: Koalicioni Qytetar Për Shqipërinë. Ai rendit disa nga arsyet pse qytetarët duhet ti japin mbështetje kësaj lëvizje të re politike.
Deklarata e plotë:
Një hipotezë që ju shpjegon se pse duhet të na mbështesni duke filluar që këtë javë në krijimin e formacionit të ri politik Antiestablishment: Koalicionit Qytetar @Për Shqipërinë! HIPOTEZA: “Nëse” (sikur) do të duhej të kërkohej nga Opozita në BE mbështetje kundër Qeverisë sepse po zbaton një Axhendë Qeveritare Sorosiane për Falimentimin dhe Shpopullimin e Shqipërisë që prodhon emigracion të paligjshëm dhe furnizim me “staf” të shpërndarjes së drogës në rrugët e qyteteve të Europës, cilët eurodeputetë do të shprehnin interes për t’u marrë me këtë çështje?
Kush do i gjendej në krah Opozitës? Opsioni A: Ndonjë eurodeputet i PPE-së së Lulit? Dmth nga partitë anëtare të PPE-së për të cilët kërkoi vota shqiptarësh Luli? Ndonjë nga këta eurodeputetët e PPE-së së Lulit që përjashtuan partinë e Orban (edhe me votat e Lulit) sepse i ishte kundërvënë Sorosit? Është fakt i padiskutueshëm se prej 6 vjetësh PPE e Lulit ka çertifikuar legjitimitetin e Rilindjes, Zgjedhjeve, Reformës në Drejtësi, progresin sipas parimit: Keni bërë progres por keni akoma shumë për të bërë! Opsioni B: Farage, Salvini, Orban, etj? Forca me mbi 150 eurodeputetë (të grupuara në 3 formacione me mbi 50 eurodeputetë secila) Janë pra mbi 150 eurodeputetë që përfaqësojnë 3 grupimet antiestablishment, konservatore, të djathta, sovraniste, euroskeptike që njëzëri dhe në bllok akuzojnë Sorosin për rolin frymëzues dhe financues për dyndjet e emigrantëve nga Afrika dhe Azia e që ju i shani me libër shpije në kor si racistë, antishqiptarë, e përralla me mbret që ju mësojnë te SHQUP dhe Selia Mavi apo OJF-të dhe mediat e Soros?
Por a i ka dalë kundër këtyre PD duke kërkuar vota kundër tyre (në Angli Luli 1 javë më parë u thirr që votat e shqiptarëve të mos shkonin për Farage) kudo në Europë? a e kuptuat se pse ne kemi mbështetur Farage, Orban, Salvini, etj? A e kuptoni se pse duhet të na mbështesni duke filluar që këtë javë në krijimin e lëvizjes së re politike në Shqipëri: Koalicionit Qytetar Për Shqipërinë, si formacioni i vetëm i ngjashëm (në kushtet e Shqipërisë) me ato antisoros në Parlamentin Europian dmth AntiEstablishment, Konservator, Sovranist, Euroskeptik, ProAmerikan, dmth ANTISOROS???
