Deputetët kanë ngritur tonet në Parlament, në lidhje me dy nismat që sjellin disa ndryshime në ligjin që merret me studimin e krimeve dhe pasojave të komunizmit. Deputeti Adriatik Alimadhi tha sot në fjalën e marrë në Kuvend, se që kur ishte 4 vjeç, është internuar nga kriminelët e komunizmit.
“Nuk ka nevojë të na drejtoni gishtin, na therët atëherë kur kishit kohën, na internuat, na ekzekutuat, na trazuat zorrët nëpër varka.
Mua që më keni këtu, 4 vjeç mo më kanë internuar. Nuk e di a keni keqardhje ju, apo s’keni? Më kanë internuar kriminelët komunistë që 4 vjeç.
Po na thotë Hyseni tani se kush janë kolaboracionistët? Po këtë po kërkojmë mor, këtë po kërkojmë, historia le të shkojë në vend.
S’ka gjë; ne kemi qenë tradhtarë, por ne jemi bërë pjesa më e përçmuar e këtij vendi. Ne jemi bërë bajga nga ju, ne i kemi të gjitha të zezat, por po kërkojmë të drejtën e historisë, dhe kur të zbardhet pastaj të tundni gishtin”, tha Alimadhi.
