Grupi Parlamentar i PD-së nisi mbledhjen në selinë blu, drejtuar nga Enkelejd Alibeaj, për të diskutuar mbi qëndrimin për raundin e tretë për Presidentin e Republikës. Marrë shkas nga kjo lëvizje, kryetari i PD-së, Sali Berisha, ka reaguar ashpër ndaj Enkelejd Alibeajt. Për Berishën, Alibeaj nuk ka asnjë tagër apo autoritet, përveç atij që i jep Rama.
“Përveç autoritetit që i jep Edi Rama, Alibeaj nuk ka asnjë autoritet dhe tagër nga PD e Shqipërisë.
Çdo veprim i tij është sintonizim i një farse të shpifur të zgjedhjes së Presidentit nga Edi Rama”, tha Berisha për gazetarët.
Afati i fundit për depozitimin e kandidaturave në Kryesinë e Kuvendit është data 29 maj, (e diela), ora 16:00, ndërsa në Kuvend pritet të kalojnë për votim kandidaturat më 30 maj.
