Kreu i grupit parlamentar të Partisë Demokratike, Enkelejd Alibeaj nuk e mbështet protestën e thirrur nga Sali Berisha më 7 korrik. Ai deklaroi jashtë Parlamentit para nisjes së seancës plenare se protesta duhet të nisë duke dalë kundër oligarkëve në Kuvend për çmimet e larta. Enkelejd Alibeaj tha më tej për mediat se protesta duhet të nisë duke dalë kundër oligarkëve në Kuvend për çmimet e larta, dhe më pas në shesh.
“Unë protestoj sot, kam protestuar dje. Unë besoj se mënyra më e mirë për të protestuar është këtu, pa frikë. Unë do të protestoj në çdo rast.
Nuk mund të jetë Sali Berisha përbashkimi i këtyre njerëzve që sot vuajnë gjithmonë e më tepër. Nuk e kuptuat mirë se çfarë thashë. Isha i drejtpërdrejtë.
Nuk është ai shpresa e njerëzve. Para se të shkojnë te sheshi të vijnë këtu dhe të thonë një gjë. Për të protestuar për çmimet e larta, duhet të thotë se çfarë qëndrimi ka ndaj Çet Kastratit dhe gjithë oligarkëve”, tha Alibeaj.
