Ish-deputeti i PS-së, Alfred Peza, ka ironizuar takimin e Bashës me të rinjtë në Elbasan. Duke postuar një foto, ai shprehet se me këtë ritëm lideri i opozitës e ka të sigurtë rikthimin në pushtet në vitin 2039.
Statusi
Lul Basha, pasi fitoi zgjedhjet e 30 Qershorit, paska nisur turin e takimeve neper Shqiperi. Ne te njejten ore qe ai paska qene ne Elbasan, ndodhesha ne nje takim tek Njesia Nr. 3 ne Tirane.
Krejt rastesisht pashe kete foto te tij, nderkohe qe po postoja foton e aktivitetit tim, per nxitjen e Forumeve te Debatit Qytetar. Ju le ju qe te percaktoni, se ku kishte me shume pjesemarrje.
Por nje gje eshte e sigurte, se me keto ritme qe e paska nisur turin e tij, lideri i opozites e ka te sigurte rikthimin ne pushtet ne vitin… 2039!
Kryedemokrati Basha, nisi sot nga qyteti i Elbasanit turin e takimeve të quajtur “Rrugëtimi për Shqipërinë”. Këtë pasdite, Basha është takuar me të rinjtë, të cilëve u ka shprehur se zotimi i parë i tij dhe i PD-së është rikthimi i shpresës në vend.
“Rinia është ajo që i kane hequr te parës vëmendjen qeveritarët e sotëm. Dështimi numër një i kësaj qeverie, është dështimi me rininë. Jo për faj të rinisë, por për shkak se kjo qeveri ka vrarë shpresën”, ka thënë Basha.
Më tej, lideri i opozitës së bashkuar joparlamentare foli dhe për emigrimin, që e cilësoi si një problem të tmerrshëm ekonomik. “Humbja potenciale e mundshme nga emigracioni është 559 milion euro”, tha kryedemokrati.
Turi i takimeve “Rrugëtimi për Shqipërinë” do të vijojë në Korçë, Shkodër, Vlorë dhe Krujë.
