Kryeministri i Serbisë ka reaguar lidhur me lirimin e Haradinajt, nga Gjykata e Apelit, në Colmar.
Vuçiç e ka cilësuar këtë vendim si skandaloz, të ndikuar politikisht dhe të turpshëm. Gjithashtu, ai ka thirrur ambasadorin e Serbisë në Francë për konsultime.
“Serbia do të bëjë notë të ashpër proteste ndaj Francës. Vendimi pë Haradinajn është i turpshëm dhe i padrejtë. Nuk e kemi ftuar për çokollata dhe ëmbëlsira, por e kemi kërkuar për krime të luftës. Qytetarët e Serbisë të ecin me kokën lart, ne do të vazhdojmë betejën për drejtësinë. Betejë për drejtësinë e ligjin për të mbrojtur viktimat”, ka thënë Vuçiç. Gjithashtu, ai theksoi se Serbia ka dorëzuar një dokumentacion gjyqësor të plotë për ekstradim.
Gjykata liroi sot Haradinajn, pas disa seancash plenare, teksa e kishte ndaluar atë më 4 janar, si pasojë e një fletë-arresti të lëshuar nga Serbia.
