Kryeministri ende në detyrë i Kosovës Albin Kurti thuhet se ka deklaruar se mbështet protestat masive kundër qeverisë që do të formohet.
Sot Kurti zhvilloi një bisedë me gazetarët e “Sarajevo Calling”.
Përmes postimeve në Twitter, gazetari Jasmin Mujanovic ka treguar detaje nga biseda që ka pasur me Kurtin.
Ai shprehet se Kurti ka thënë se në rast se në Kosovë krijohet një qeveri e re pa shkuar në zgjedhje, atëherë mund të ketë protesta masive në vend.
“Kurti la të kuptohet se partia e tij do të mbështesë protesta masive kundër çdo qeverie të re që mund të formohet. Shton se do të pasojë një “fazë e destabilizimit”, ka shkruar ai në Twitter, raporton “gazeta express”.
Albin Kurti ka pasur kritika edhe ndaj të dërguarit të posaçëm të SHBA-së për dialogun Kosovë-Serbi.
Ai pohon se e rëndësishme për ambasadorin Grenell është vetëm nënshkrimi i marrëveshjes dhe jo përmbajtja e saj.
