Lideri i Lëvizjes Vetëvendosje Albin Kurti gjatë qëndrimit në Gjermani ka zhvilluar takime zyrtare me figura të njohura të politikës gjermane. Përmes një postimi në rrjetin social Facebook Kurti ka njoftuar se objekti i bisedës me zyrtarët gjermanë kanë qenë temat e rëndësishme socio-politike si dhe vijimi i dialogut mes Kosovës dhe Serbisë.
Postimi i tij i plotë: “Në ditën e dytë të qëndrimit në Berlin takova këshilltarin kryesor për politikë të jashtme dhe siguri të Kancelares Merkel, z. Jan Hecker. Më pas vizitova edhe Ministrinë e Punëve të Jashtme të Gjermanisë për takimin me z. Jens Uwe Plötner, Drejtor Politik. Ndërkaq, në Bundestagun gjerman takova dy deputetë të SPD-së, z. Fritz Felgentreu dhe z. Nils Schmid. Në të gjitha këto takime diskutuam për marrëdhëniet bilaterale Kosovë-Gjermani, si dhe për sfidat e qeverisë së ardhshme në fushat e drejtësisë, ekonomisë, integrimeve evropiane dhe të dialogut me Serbinë. Kosova te Gjermania e ka partnerin e mirë për shtetndërtim demokratik, sundim të ligjit dhe zhvillim të gjithëmbarshëm”.
