Kandidati i Vetëvendosjes për kryeministër, Albin Kurti ka reaguar pas “exit poll” që e nxjerr lëvizjen Vetëvendosje si të dytën në zgjedhjet e sotme me 30 për qind të votave.
Ish-lideri i VV-së thotë se do të mbrohet çdo votë dhe se numërimet përfundimtare do të jenë më të mira se “exit poll”.
Postimi i Albin Kurtit në Facebook:
Të nderuar miq
Lajmet që po vijnë nga përfaqësuesit tanë në të gjitha qendrat e votimit dhe numërimit janë më të mira e më të sakta se çdo anketë apo “exit poll”.
Çdo votë do të mbrohet, dhe në mbrëmje do të festojmë me një rezultat vërtet të bukur.
Ju faleminderit të gjithëve!
