Deputetja e PD-së, Albana Vokshi, ka reaguar pas bashkëbisedimit që kryeministri Rama ka zhvilluar ditën e sotme me qytetarët e Elbasanit. Teksa i referohet rasteve që denoncuan qytetarët gjatë këtij takimi, deputetja demokrate thotë se nuk ka shëndetësi falas.
Drejtuesja e Departamentit të Shëndetësisë në PD ndalet tek check-up falas, që sipas saj nuk kanë as një aparat për matjen e tensionit, si dhe tek Mamografia falas, duke u shprehur se edhe pas 3 vjetësh që kanë kryer kontrollin, asnjë grua nuk ka marrë përgjigjet e ekzaminimeve.
Duke i cilësuar këto shërbime “arritje imagjinareo, Vokshi thotë se “Dy zonja nga Cërriku zhbënë arritjet imagjinare të Ramës në shëndetësi”.
Përmes një postimi në rrjetin social “Facebook”, deputetja demokrate thotë se “as shfaqjet teatrale me pjesëmarrje të kontrolluar nuk po e shpëtojnë dot Edi Ramën. Shteti i ngritur vetëm për pushtetin e tij personal është shndërruar në një gërmadhë e madhe, që po e zë edhe atë vetë brenda”.
Reagimi i plotë i Albana Vokshit
SHËNDETËSIA FALAS E RAMËS: Vuajtje që kushton shtrenjtë për shqiptarët dhe parajsë monetare për oligarkët!!!
Ja ku e shohim cdo ditë, ashtu si babai i tij ideologjik, ”gju me gju”, për të evidentuar supremacinë e liderit suprem, i cili të siguron mjekim nëse të mëshiron, të siguron punë nëse e propagandon…
Por as shfaqjet teatrale me pjesëmarrje të kontrolluar nuk po e shpëtojnë dot Edi Ramën. Shteti i ngritur vetëm për pushtetin e tij personal është shndërruar në një gërmadhë e madhe, që po e zë edhe atë vetë brenda…
Në vetëm 2 minuta, me fjalë të thjeshta që mbanin dhimbje të madhe, dy zonja nga Cërriku zhbënë arritjet imagjinare të Ramës në shëndetësi.
#CHECKUP FALAS??? 120 milionë EURO sponsores së fushatave zgjedhore nuk sigurojnë dot asnjë aparat për matjen e tensionit….KU SHKOJNË PARATË E CHECK UP kur përgjigjet janë të mangëta apo jo të sakta apo “sa për të kaluar rradhën” e kur as tensionin nuk e mat dot???
#MAMOGRAFI FALAS?? Mashtrimi i Ramës me mamografitë falas është edhe më #kriminal… Edhe pas 3 vjetësh, asnjë grua nuk ka marrë përgjigjet e ekzaminimeve. Për cfarë vlen një mamografi, qoftë edhe falas, apo një CD në dorë, kur askush s’mund ta lexojë e kuptojë atë?? Në pritje të koncesionit për klientin e rradhës për leximin e #mamografive…gratë ngrenë sytë nga qielli me lutjen drejt Zotit që t’u zgjasë sadopak jetën …
Kërkoni shërbim spitalor e shëndetësor në Cërrik, Belsh??? Mos jeni cmendur tja kërkoni këtë Kryeministrit??? Harxhoni paratë e fundit që keni kursyer, hipini autobuseve e furgonave, përplasuni dyerve të spitaleve në Tiranë apo qytete të tjera, anipse edhe atje gjenda është katastrofike sepse fondet për shëndetin e qytetarëve janë përthithur nga te pangopurit…
400 miln EURO për katër koncesione abuzive të panevojshme, qindra milionë EURO për tendera spitalorë korruptivë, e në spitale nuk ka gjilpëra, serume, glukozë, pambuk, doreza, avastinë, herceptinë, nuk ka reagentë për analizat…zgjidhja?? Të shkosh te privati duke marrë borxhe e kredi, ose të kthehesh pa asnjë shpresë, pa para e mbase më shumë borxhe në kurrizin e përkulur më shumë nga hallet e shumta …
SHËNDETËSIA FALAS E RAMËS: Vuajtje falas për shqiptarët dhe parajsë monetare për oligarkët!!!
