Autoritetet venezueliane thonë se po hedhin poshtë një përpjekje të vogël për grusht shteti, pasi kreu i opozitës Juan Guaido njoftoi se ishte në “fazën përfundimtare” të dhënies fund të sundimit të presidentit Nicolás Maduro.
Ai u shfaq në një video me një burrë me uniformë, duke pretenduar se ka mbështetjen e ushtrisë. Guaido, i cili u vetëshpall president në janar, bëri apel që më shumë anëtarë të ushtrisë ta ndihmonin atë që t’i jepte fund uzurpimit të pushtetit nga Maduro.
Ushtria deri më tani ka mbështetur Maduron dhe nuk pranoi ta mbështeste Guaido, raporton BBC. Megjithatë udhëheqësi i opozitës ka mbështetjen nga dhjetra vende, duke përfshirë shumicën e Amerikës Latine dhe Shteteve të Bashkuara.
Një zëdhënëse e qeverisë spanjolle apeloi kundër “gjakderdhjes” në Venezuelë. “Spanja nuk po mbështet asnjë grusht shteti ushtarak”, tha Isabel Celaa, duke kërkuar një rezultat “paqësor” ndaj krizës së Venezuelës.
Presidenti kolumbian Iván Duque i bëri thirrje ushtrisë venezueliane të mbështeste Guaidon.
Sekretarja e shtypit e Shtëpisë së Bardhë, Sarah Sanders tha se presidenti amerikan ishte informuar dhe “po monitorojmë situatën në vazhdim”. Senatori amerikan Marco Rubio, një mbështetës i patundur i Guaido, gjithashtu bëri thirrje në Twitter për të nxitur ushtrinë që të mbështesë presidentin e Asamblesë Kombëtare.
Në video, Guaidó thotë se ai ka mbështetjen e “ushtarëve të guximshëm” në Caracas.
“Njerëzit e Venezuelës, le të marrin rrugët (…) të mbështesin fundin e uzurpimit, i cili është i pakthyeshëm (…) Forcat e Armatosura Kombëtare kanë marrë vendimin e duhur, ata kanë mbështetjen e popullit të Venezuelës, dhe mbështetjen e kushtetutës sonë, ata janë të garantuar të jenë në anën e djathtë të historisë”, thotë Guaido.
En el marco de nuestra constitución. Y por el cese definitivo de la usurpación. https://t.co/3RD2bnQhxt
— Juan Guaidó (@jguaido) April 30, 2019
Videoja, e publikuar në llogarinë e Twitter të Guaidó, e tregon atë duke qëndruar pranë një udhëheqësi tjetër të opozitës, Leopoldo López, i cili ka qenë nën arrest shtëpie pasi u shpall fajtor për nxitje të dhunës gjatë protestave anti-qeveritare në 2014./ Përshtati Tirana Today
