Që prej fillimit të muajit qershor, Maqedonia e Veriut ka shënuar një “bum” të numrit të rasteve me koronavirus.
Sipas Worldometer, vetëm për muajin qershor në vendin fqinj janë shënuar më shumë se 3,500 raste të reja. Pra, Maqedonia e Veriut ka shënuar më shumë raste në qershor, sesa ka regjistruar në muajt mars, prill dhe maj të mbledhura bashkë.
Deri më tani, vendi fqinj ka regjistruar në total 5,758 raste me COVID-19, prej të cilëve 3.284 raste janë ende aktive.
Gjatë 24 orëve të fundit, në vend u shënuan 163 raste të reja, 70 prej të cilave vetëm në Shkup. Ndërkohë, tre persona kanë humbur jetën duke e çuar në 268 numrin total të viktimave.
Më shumë se 9.7 milionë njerëz nga e gjithë bota janë prekur nga koronavirusi, ndërsa mbi 492 mijë persona kanë humbur jetën.
