Një alarm për bombë është sinjalizuar në Shkup, në një qëndër tregtare. Policia është vënë menjëherë në lëvizje, ku kanë kërkuar me urgjencë evakuimin e menjëhershëm të qendrës së njohur tregtare në kryeqytetin e Maqedonisë së Veriut. Ka qenë një telefonatë anonime, që ka dhënë sinjalin për bombë.
Fill pas telefonatës, administrata e qendrës tregtare ka njoftuar policinë, e cila ka zbarkuar për pak minuta aty duke nxjerrë jashtë klientët si edhe stafin.
Deri më tani nuk është gjendur ndonjë mjet shpërthyes, ç’ka nuk konfirmon ende nëse bëhet fjalë për një ngjarje të vërtetë apo alarm fals.
