Rrëzohet kërkesa e Izet Haxhisë për lirimin nga burgu, duke mos pranuar arsyetimin se ka tejkaluar afatet e paraburgimit.
Gjykata e Apelit ka lënë në fuqi vendimin e Gjykatës së Tiranës për ish-truprojën e Sali Berishës, i cili akuzohet për vrasjen e deputetit demokrat, Azem Hajdari.
Haxhia e argumentonte kërkesën për të marrë lirinë me mbarimin e afateve të paraburgimit, duke llogaritur dhe burgun në Turqi. Ndërkohë, seanca e radhës me rigjykimin në themel të çështjes, është caktuar më 20 shtator.
Izet Haxhia ishte gjykuar dhe dënuar në mungesë me 25 vite burg si bashkëpunëtor në vrasjen e Azem Hajdarit. Ai u arrestua në Turqi në vitin 2006 dhe u ekstradua në Shqipëri më 8 maj të 2018 ku kërkoi rigjykim të çështjes, gjë që u pranua. Në listën e dëshmitarëve Izet Haxhia kërkon edhe dëshminë e ish-presidentit dhe ish-kryeministrit Sali Berisha.
