Ministrja e Shëndetësisë, Ogerta Manastirliu ka reaguar në lidhje me deklaratat e opozitës, se numri i testimeve për koronavirusin në Shqipëri është i vogël.
Manastirliu ka publikuar në Facebook disa foto nga puna në terren e epidemiologëve që marrin mostrat te personat e dyshuar me koronavirus.
Ajo ka shprehur mirënjohjen ndaj punës së tyre, në izolimin e vatrave të dyshuar me COVID-19 në terren.
Postimi i plotë:
#COVID19
Shumëkush flet për testimet por pakkush e di se çfarë pune bëhet në terren nga #epidemiologët tanë, që gjurmojnë rastet derë më derë, rrugicë më rrugicë, ditën dhe natën, pa u lodhur e pa u ankuar, duke bërë të pamundurën për të kapur në kohë rastet dhe për të frenuar përhapjen e epidemisë❗️
#Mirënjohje për ekipin e shkëlqyer të epidemiologëve nga veriu në jug, të cilët po bëjnë një punë shembullore për gjurmimin e rasteve me #COVID19 dhe izolimin e vatrave në territor ✅
