Ish-ministri i Brendshëm, Saimir Tahiri, ka dalë në një konferencë për mediat, ku edhe po i përgjigjet disa pyetjeve nga gazetarët. Tahiri u pyet në lidhje me reagimin e ashpër të ambasadës britanike dhe faktit që Fatmir Xhafaj e pëlqeu atë postim, duke dhënë aprovimin e tij.
“S’dua të merrem fare me të, as i numëroj, do vijë dita që do kem një përgjigje për këtë. S’dua të jap komente që e di që mund të jenë të parakohshme sot”, u shpreh ai.
Më tej ai u pyet nëse janë të vërteta akuzat që opozita ka ngritur rreth tij, pyetje së cilës iu përgjigj:
“Më pyesni mua të them a janë të vërteta akuzat e opozitës kur mund të pyesni ata a mund t’i vërtetojnë. Është fyese të mendoni që kërcënuakam njerëzit me materiale. Unë në 4 vjet kam bërë detyrën dhe nuk hyj tek njerëzit që mbaj letra në xhep për të kërcënuar këdo. Është fyese për mua të mendoni që po e çaj rrugën drejt të vërtetës duke kërcënuar njerëz. Duket sikur ju realisht mendoni që ata kanë diçka që të mund të kërcënohen. E kanë bërë vërteta kaq baltë sa të jenë të kërcënueshëm? Unë mendoj që herë tjetër kur të dëgjoni deklaratat e opozitës kërkoni t’i verifikojnë ata, jo unë. E thonë se e kanë bërë vet. E dini shantazhin që i kanë bërë gjyqtarëve e prokurorëve. Kësaj rrugë i shkoj vetëm me drejtësinë time para”.
Tahiri iu përgjigj shkurt edhe spekulimeve se ai kishte qarë në seancën gjyqësore:
“Unë mendoj se është fisnike kur qajnë burrat por kur kam qarë?”
