Pas akuzave të ish-kreut të LSI-së nga Shkodra, Ilir Meta, ku Ramën dhe Bashën i ka cilësuar si karagjozë, dhe akuzës se ai vuan nga një sëmundje e pashërueshme “mosmirënjohja”, Rama i është përgjigjur me mospërfillje.
Rama u shpreh se këto deklarata i ka dëgjuar edhe më parë por sot ai i konsideron si pjesë e procesit elektoral.
“I kam dëgjuar këto shumë kohë më parë dhe janë gjëra që i konsideroj si pjesë të një procesi elektoral. Nuk është problemi im. Nuk merrem fare me të. Nuk është ky problemi dhe nuk merrem fare me të. Merrem vetëm me një gjë që socialistët dhe demokratët të kuptojnë se ka ikur koha e zgjedhjeve me tifozllëk. Nuk mund të ndahen njerëzit si tifozë në këto zgjedhje. Fleta e votimit nuk është biletë për në stadium por moment vendimmarrje. ”, tha Rama në emisionin “Studio e Hapur”
