Kryeministri Edi Rama, e cilëson të turpshme faktin që Ilir Meta ndodhet në zyrën e Presidentit të Republikës.
Pasi kreu i shtetit tha se qeveria është organizatë kriminale, Rama tha se Meta e ka vendosur veten në dispozicion të LSI.
Sipas Ramës, kjo është për të ardhur keq.
Edi Rama: “Është vërtet fatkeqësi që përshkallëzimi i dhunës verbale dhe marrëzisë nga ana e Ilir Metës po ndodh shumë përpara kohe në një kuptim, nuk e di ku do shkojë kaq herët sa ka filluar.
Realisht është shumë e turpshme, që të kemi një individ në zyrën e presidentit që ka dalë nga shinat e funksionit të tij, dhe ka vendosur veten dhe institucionin në dispozicion të një force të degraduar, siç është partia e tij. Është për të ardhur keq.’’
Kryeministri Rama mblodhi shtabin elektoral në selinë rozë në të cilën raportohen se si drejtuesit politik kanë ecur me porositë për përgatitjen e zgjedhjeve.
