Pas akuzave të ngritura sot nga PD, se Kryeministri Edi Rama gjatë një fundjave në Paris ka përdorur avionin e “Air Albania” si një charter privat, ka reaguar Drejtori i Komunikimit në Kryeministri.
Përmes një postimi në rrjetin social Twitter, Endri Fuga e ka cilësuar të turpshme akuzën.
“E turpshme akuza për udhëtimin 24orësh të KM në Paris me avionin, që siç e kemi sqaruar publikisht, përdoret veç për arsye pune, bazuar në një marrëveshje të posaçme me AIR ALBANIA pa qëllim fitimi. Ata që akuzojnë mesa duket vetëm këto që shpifin për ne kanë bërë kur qeverisnin!”, shkruan Fuga.
