Autoriteti Kombëtar i Ushqimit ka apeluar ndaj qytetarëve, që të mos e blejnë bukën e prerë. Thirrja e fortë nga AKU, vjen në një moment kur numri i të infektuarve është në trend rritës, duke bërë që situata në vendin tonë të shfaqet shqetësuese.
Në njoftimin e shpërndarë në Facebook, thuhet se prerja e bukës është një ndërhyrje mekanike që sjell prishjen e “guackës mbrojtëse” të këtij produkti, ndaj kontaminimit të mundshëm.
Po kështu prishjen e strukturës kimiko-fizike, duke ndryshuar cilësinë apo vetitë e produktit si vlerat ushqimore, aroma, shija, etj.
Sipas specialistëve të fushës, thuhet se prerja e bukës sjell ngurtësimin e saj, tuli i bukës bëhet më i ashpër, lagështira pakësohet. Në këtë formë humbet freskia e produktit. Për rrjedhojë kemi uljen e cilësisë.
