Banorët e Astirit kanë bllokuar sot rrugën e në ditën e 17-të të protestës, teksa kundërshtojnë prishjen e banesave të tyre, pas projektit të Unazës së Re që parashikon zgjerimin e rrugës.
Mbrëmjen e sotme, protestës i janë bashkuar edhe aktivistë të Shoqërisë Civile, por edhe artistë. Mes tyre ka qenë edhe aktori Neritan Liçaj, i cili u ka bërë thirrje banorëve që të bëjnë rezistencë e mos të dorëzohen.
Mes thirrjeve “Qeveri e korruptuar”, aktori ka mbështetur qytetarët, të cilët kërkojnë me insistim dëmshpërblimin 100% me vlerë tregu të banesave të tyre.
