Prej muajsh tashmë koronavirusi është shndërruar në një nga “armiqtë” e njerëzimit.
Të shumtë janë ata që kanë ndërruar jetë nga COVID-19 si dhe një numër i madh njerëzish janë infektuar nga virusi i rrezikshëm në fjalë.
Shumë persona pavarësisht se janë përpjekur të tregojnë kujdes, kanë rezultuar pozitivë ndaj koronavirusit dhe mes tyre ka edhe personazhe të famshëm.
Një ndër ta është ylli i serialit “Game of Thrones”. Aktori norvegjez Kristofer Hivju ka konfirmuar se është infektuar nga virusi dhe se aktualisht qëndron i vetëizoluar në shtëpi bashkë me familjen e tij.
Që nga përhapja e COVID-19 disa të famshëm kanë rënë pre e tij dhe më poshtë po iu tregojmë një listë:
Aktori Idris Elba;
Aktorja Olga Kurylenko;
Aktori tajlandez Matthew Deane Chanthavanij;
Moderatori Nicola Porra;
Aktorja italiane Giuliana De Sio;
Tom Hanks dhe bashkëshortja e tij Rita Wilson (sot dolën nga spitali).
