Aktori i njohur turk, Tolgahan Sayışman, ka shprehur keqardhje për viktimat e tërmetit. Me anë të një mesazhi mjaft të ndjerë në gjuhën shqipe, ai ka ngushëlluar popullin shqiptar, ndërsa ka kujtuar tmerrin që shkaktoi në Turqi tërmeti i vitit 1999.
“Në vitin 1999, ne jetuam një tërmet shumë të rëndë 7.4 ballë, ku humbën jetën dhjetëra mijëra njerëz. Prandaj dhimbjen që ndjeni ju sot, ne e kuptojmë shumë mirë.
Zoti i ndihmohtë të gjithë shqiptarët, dhe mos jetofshi më humbje të tilla. Jemi me ty Shqipëri”, shkruan aktori në profilin e tij në Instastory.
Nga tërmeti i së martës me magnitudë 6.4, tashmë është zbardhur zyrtarisht edhe bilanci i viktimave që shkojnë në 50 persona të pajetë.
Më të prekurat janë Durrësi dhe Thumana, ku pati shumë jetë të humbura, për shkak të shembjes së banesave dhe disa pallateve.
