Pas shembjes së Teatrit Kombëtar ditën e djeshme ka pasur reagime të shumta nga mbarë opinioni publik.
Po ashtu, në Tiranë, dje janë zhvilluar protesta nga aktorë, aktivistë dhe qytetarë.
Ndërkohë, së fundmi edhe aktorët e Teatrit “Migjeni” në Shkodër kanë protestuar, por në mënyrë paqësore.
Siç mund t’i shihni në fotot e mëposhtme ata janë pajisur me mjete mbrojtëse, pankarta në duar dhe në distancë nga njëri-tjetri, duke respektuar kështu masat ndaj koronavirusit.
Në pankarta shkruhej: “Poshtë diktatura”, “Shembët godinën, por jo Teatrin”, “Teatri është i pavdekshëm” etj.
Kujtojmë se sot në orën 16:30, “Aleanca për Mbrojtjen e Teatrit” e mbështetur dhe nga opozita do të protestojnë kundër qeverisë dhe kryebashkiakut Erion Veliaj.
