Aktivisti i opozitës në Azerbajxhan, Bayram Mammadov është gjetur i vdekur në Stamboll ditën e djeshme në rrethana të paqarta.
Trupi i Mammadov u gjend në det dhe kjo gjë u lajmërua nëpër rrjete sociale nga miqtë e tij. Policia po heton rastin dhe po shqyrton të gjitha shkaqe e mundshme që kanë çuar në këtë ngjarje, shkruan REL.
Mammadov, së bashku me një aktivist tjetër pro-demokracisë, Giyas Ibrahimov, dolën në tituj në maj 2016 pasi pikturuan “Gëzuar Ditën e Skllevërve” në një monument në Baku presidentit të ndjerë Heydar Aliyev, babait të presidentit aktual.
Të dy më pas u dënuan me 10 vjet burg për akuza droge, të cilat i kanë mohuar, pasi Mammadov kishte thënë se ishte torturuar për të bërë një rrëfim.
Amnesty International i ka njohur të dy aktivistët si të burgosur të ndërgjegjes, duke thënë se akuzat e drogës kundër tyre ishin sajuar me qëllim që të ndëshkoheshin për aktivitetet e tyre politike.
