Analisti Milaim Zeka është shprehur se krerët politikë në Kosovë janë këshilluar që disa vite më parë, që të heqin dorë nga pushteti.
I ftuar në emisionin “Top Talk”, Zeka tha se disa vite më parë ish-zëdhënësi i SHBA-ve, James Rubin dhe ish-kryeadministratori danez Petersen i kanë këshilluar krerët politikë që të dalin në pension.
“Krerët politik në Kosovë nuk dëgjuan këshillat e James Rubin, ish-zëdhënësit të Shteteve të Bashkuara të Amerikës, i cili tha shkoni në shtëpi dhe pensionohuni. Të njëjtën gjë ka thënë dhe Petersen, ish-kryeadministratori danez i cili tha mjaft më, lëshojeni politikën, shkoni në shtëpitë tuaja, ndërtoni ndonjë fermë atje. Besoj që këtu do të bien dhe viktima të pafajshëm. Paraprakisht ka penalizime, tani Thaçi vetëm është gjykuar. Unë besoj fuqishëm tek gjykatësit evropian, sepse një norvegjez, një suedez një gjerman, nuk të dënon ty se përse prokurori thotë se ti ke vrarë 100 njerëz”, tha ai.
Sipas analistit, aktakuza ndaj Kadri Veselit dhe presidentit Thaçi do të konfirmohet dhe se Presidenti i Kosovës do detyrohet të japë dorëheqjen.
“Tani krejt kjo varet nga një gjykatës që do të konfirmojë aktakuzën ose do ta hedhë poshtë. Prognoza ime është 99% që gjykatësi ndërkombëtar do të konfirmojë aktakuzën ndaj Hashim Thaçit dhe Kadri Veselit. Në momentin që konfirmohet aktakuza Presidenti i Kosovës do të japë dorëheqje. A do e dinë vetëm presidenti, por që duhet duhet”, shtoi ai.
