Partia Demokratike ftoi sot qytetarët që t’i bashkohen opozitës në protestën e radhës kombëtare, e cila do të zhvillohet të hënën duke nisur nga ora 20:00.
Pas këtij hapi, selia blu ka nisur përgatitjet dhe nesër paradite do të mbledhë strukturat më të larta të partisë, me synim organizmin e aksionit në ditët e ardhshme. “BalkanWeb” raporton se fillimisht në orën 10:00 do të nisë mbledhja e përbashkët mes Kryesisë dhe Grupit Parlamentar, ndërsa më pas do jetë organi më i lartë siç është Këshilli Kombëtar.
“Nesër ora 10:00 mbledhje e përbashkët e Kryesisë dhe Grupit Parlamentar. Më pas në 11.45, mbledhje e Këshillit Kombëtar”, njofton PD.
