Kryeministri Edi Rama ka njoftuar përmes një postimi në Facebook, se është mbyllur një hotel për shkak se nuk ka dhënë kuponin tatimor.
Kjo masë është ndërmarrë si pasojë e aksionit kundër informalitetit që është shtrirë në gjithë vendin gjatë kësaj vere. Rama thekson se hoteli është mbyllur në 1 muaj në kulm të sezonit dhe kjo është një kosto e madhe.
Kreu i Qeverisë paralajmëron prerë se kush do të mashtrojë konsumatorin dhe shtetin, do të përballet me ligjin.
Postimi i plotë:
Nuk jep kupon dhe mbyllesh 1 MUAJ në kulm të sezonit! A i’a vlen kjo kosto e shkeljes së ligjit? Patjetër jo, por kush e merr përsipër të mashtrojë Konsumatorin dhe Shtetin, do të përballet me LIGJIN me #ZeroTolerancë.
