Mbrëmjen e djeshme është aksidentuar në Serbi një autobus, ku për pasojë kanë mbetur të plagosur 9 persona.
Autobusi i linjës Prishtinë-Graz (Austri) është aksidentuar rreth orës 22:00 në Kupci të Madh afër Krushevcit, në Serbi.
Mediat në Kosovë raportojnë se personat e plagosur, janë jashtë rrezikut për jetën.
Sakaq, kompania “Zhitia Tourist” ka njoftuar se personat e plagosur, nuk kanë lëndime serioze dhe pasagjerët që ishin në autobus, tashmë janë rrugës për në Slloveni.
“Falenderojmë Zotin që nuk kishte lëndime serioze. Pasagjerët që ishin në autobusin kur ndodhi aksidenti, tashmë janë rrugës për në Slloveni. Ju falenderojmë për ndihmën, sinqeritetin e besnikërinë tuaj ndaj nesh”, thuhet në postimin e kësaj kompanie.
