Një furgon shkolle që transportonte nxënës, është përplasur me një mjet tjetër në zonën e Yzberishtit në Tiranë. Në aksident janë përfshirë mjeti furgon që transportonte disa nxënës shkolle me drejtues shtetasin A. H., me mjetin me drejtues shtetasin D. T.
Për pasojë, kanë shkuar për kontroll mjekësor 1 mësuese dhe 13 nxënës, të cilët fatmirësisht nuk kanë pësuar dëmtime fizike nga përplasja e mjeteve. Lidhur me këtë rast, grupi hetimor po punon për sqarimin e rrethanave të aksidentit.
Njoftimi i policisë:
Rreth orës 13:40, në Yzberisht, janë përfshirë në përplasje mjeti fugon që transportonte disa nxenës shkolle me drejtues shtetasin A. H me mjetin me drejtues shtetasin D. T. Si pasojë kanë shkuar për kontroll mjekësor 1 mësuese dhe 13 nxënës, të cilët fatmirësisht nuk kanë pësuar dëmtime fizike nga përplasja e mjeteve. Grupi hetimor ndodhet në vendngjarje dhe po punon për sqarimin e rrethanave të aksidentit.
