Është zbardhur ekspertiza e aksidenti të rëndë që ndodhi në aksin rrugorë Levan – Tepelenë, ku ndërruan jetë tre persona.
Sipas policisë së Fierit, shkaku i aksidenti të rëndë me tre viktima të ndodhur më 9 Prill, ishte përgjumja e drejtuesit të mjeti si dhe shpejtësia e lartë me të cilën ai po udhëtonte. Thuhet se shoferi po ecte me një shpejtësi të lartë tej normave të lejuara e cila arrinte në 150 km në orë. Ky është shkaku i ngjarjes së rëndë, sipas ekspertizës së grupit hetimor.
Pra kjo shpejtësi e lartë nuk i ka lënë hapësirë të riut që të manovronte në një rrugë ku lejohet të udhëtosh me vetëm me 80 km në orë. Shoferi nuk ka mundur dot të kontrollojë drejtimin duke u zhvendosur disa metra larg nga rruga kryesore.
Në timon të fuoristradës “Suzuk” ishte njëri nga viktimat, Fisnik Murataj. Kurse dy të tjerët, kushëriri Agustin Murataj dhe e fejuara e Fisnikut, francezja Nazia Aham ishin pasagjerë që sipas dyshimeve të policisë kanë qenë në gjumë. Aksidenti ndodhi në afërsi të fshatit Varibop në rrugën drejt Levanit.
Të afërmit treguan më pas se tre të rinjtë ktheheshin nga dasma dhe do të udhëtonin drejt Greqisë. Dy kushërinjtë u përcollën në banesën e fundit nga familjarët e tyre në Kutë, kurse prindërit e vajzës në Francë kërkuan që ceremonia e saj mortore të bëhej në vendin e tyre. TIRANA TODAY
