Humb jetën në spital vajza 13-vjeçare, pasagjere në automjetin që u përplas me bordurën në autostradën Milot – Morinë
Ndërkohë, ka mbetur i plagosur babai i viktimës, drejtuesi i automjetit. Ky i fundit ka humbur kontrollin duke u përplasur me trafikndarësen. Sipas informacionit paraprak, ai identifikohet me iniciale G.I., rreth 44 vjeç, banues në Tiranë.
Grupi hetimor vazhdon hetimet në vendin e ngjarjes për zbardhjen e plotë të rrethanave të aksidentit.
Mirditë/ Informacion paraprak
Në autostradën Milot – Morinë, në vendin e quajtur “Fshati Gëziq”, shtetasi G.I., rreth 44 vjeç, banues në Tiranë, duke drejtuar automjetin e tij ka humbur kontrollin duke u përplasur me trafikndarësen.
Për pasojë ka humbur jetën vajza e tij e mitur S.I. rreth 13-vjeçe, e cila ishte pasagjere në mjet, ndërsa drejtuesi i mjetit ndodhet në spital nën kujdes mjekësor.
Grupi hetimor vazhdon hetimet në vendin e ngjarjes për zbardhjen e plotë të rrethanave të aksidentit.
