Policia ka përcjellë detajet lidhur me aksidentin, fatmirësisht pa pasoja për jetën që ka ndodhur mesditën e sotme në Lezhë, ku mbetën 4 të plagosur.
Dy automjete janë përplasur në vendin e quajtur “Lagje e Shaljanëve”, e ndërsa të lënduarit janë transportuar për ndihmë mjekësore në spitalin rajonal të Lezhës.
Njoftimi i policisë
Lezhë/Informacion paraprak
Në aksin rrugor Lezhë- Shëngjin, në vendin e quajtur “Lagje e Shaljanëve”, mjeti me drejtues shtetasin K.N., 24 vjeç, banues në Lezhë është përplasur me mjetin me drejtues shtetasin A.K., 36 vjeç, banues në Kosovë.
Si pasojë e përplasjes kanë marrë demtime dhe janë transportuar në spitalin Rajonal Lezhë, drejtuesit e mjeteve si dhe shtetasit: E.V., 28 vjeç, banues në Tiranë, L.N., 20 vjeç, banues në Lezhë, B.K., 35 vjeçe, banuese në Kosovë dhe i mituri A.K., të cilët ndodheshin si pasagjerë në të dy mjetet.
Grupi hetimor vazhdon veprimet në vendngjarje, për sqarimin e rrethanave të aksidentit.
