Një aksident tragjik ka ndodhur në Turqi, ku kanë humbur jetën gjashtë shtetas dhe janë plagosur tre të tjerë. Aksident fatal ka ndodhur në Kahramankazan. Dy makina janë përplasur kokë më kokë, duke lënë gjashtë të vdekur dhe tre të plagosur.
Sipas informacioneve të marra, aksidenti ka ndodhur në afërsi të lagjes İmrendi, në kilometrin e 16-të të autostradës Ankara-Kahramankazan.
Në aksidentin e ndodhur në orët e mëngjesit, makina e ardhur nga Eskişehir në lagjen Kahramankazan të Ankarasë ku mësohet se kishte 5 persona, është përplasur kokë më kokë me makinën në të cilën ndodheshin 4 persona.
Gjashtë persona ndërruan jetë në vend
Në vendngjarje janë dërguar ekipe të shumta mjekësore, policore dhe zjarrfikëse. Gjatë ekzaminimit, ekipet mjekësore konstatuan se 6 persona kanë humbur jetën në vendngjarje, ndërsa 3 të plagosurit nga aksidenti janë dërguar me autoambulanca në Spitalin e Qytetit të Ankarasë, pas ndërhyrjes së parë në vendngjarje.
Emrat e personave që humbën jetën në aksident:
-Yusuf Öğüt (59 vjeç)
-Sultan Öğüt (56 vjeç)
-Nevzat Öğüt (37 vjeç)
-Burcu Sağlam (28 vjeç)
-Nezahat Cıbıroğlu (40 vjeç)
-Abdullah Kocabaş (37 vjeç)
Burimi i lajmit: bolgegundem. Përshtatur nga Tirana Today
