Një aksident i rëndë automobilistik me pasojë vdekjen e një personi është regjistruar pasditen e sotme në Vlorë.
Mësohet se një automjet ka përplasur këmbësoren S.G 75-vjeçe, e cila fatkeqësisht ndërroi jetë.
Ngjarja u shënua rreth ores 17:21, në lagjen “24 Maji”, në vendin e quajtur”Kryqëzimi i Sodës”.
“Një automjet, me drejtues shtetasin P. I., 37 vjeç, banues në Vlorë, ka aksidentuar me pasojë vdekje shtetasen S. G., rreth 75 vjeçe, e cila ishte duke lëvizur në këmbë”, informon policia.
Drejtuesi i mjetit është shoqëruar në Komisariatin e Policisë Vlorë.
Në vendngjarje ndodhet grupi hetimor dhe po punon për zbardhjen e plotë të ngjarjes.
