Një aksident i rëndë është shënuar mbrëmjen e djeshme në Tiranë, si pasojë e të cilit ka ndërruar jetë një person.
Sipas policisë, ngjarja u shënua mbrëmë rreth orës 23:50, në rrugën “Dritan Hoxha”. Një 30-vjeçar, i cili ka qenë duke drejtuar makinën në gjendje të dehur është përplasur me një mjet tjetër.
Si pasojë e përplasjes, ka ndërruar jetë pasagjeri në mjetin që drejtohej nga 30-vjeçari i dehur.
Njoftimi i policisë:
Nga Shërbimet e Policisë Rrugore u bë arrestimi në flagrancë i shtetasit A.Ç., 30 vjeç, sepse më datë 06.03.2020, rreth orës 23:50, në rrugën “Dritan Hoxha”, duke drejtuar në gjendje të dehur mjetin është përplasur me një mjet me drejtues shtetasin A.S.
Si pasojë e përplasjes ka ndërruar jetë shtetasi F.A., pasagjer në mjetin me drejtues shtetasin A.Ç.
Ky shtetas gjatë marrjes në pyetje ka dhënë deklarim të rremë përpara oficerit të policisë gjyqësore duke thënë se drejtues mjeti ka qënë shtetasi F.A.
Materialet u referuan pranë Prokurorisë së Rrethit Gjyqësor Tiranë për veprat penale “Shkelja e rregullave të qarkullimit rrugor“, “Deklarim i remë para oficerit të policisë Gjyqesorë ” dhe “Drejtimi i automjeteve në mënyrë të parregullt”.
