Një aksident i rëndë ka ndodhur këtë pasdite në aksin rrugor Korçë-Maliq. Dy automjete janë përplasur tek kryqëzimi i Drithasit, ndërsa një prej të plagosurve është transportuar në gjendje të rëndë në spital.
E lënduar ka mbetur një grua, identiteti i së cilës nuk dihet ende, ndërsa ajo u nxor nga makina nga forcat zjarrfikëse pasi forcat e policisë nuk kishin mbërritur në vendngjarje.
Në njërën prej automjeteve ndodheshin katër anëtarë të një familjeje, ndërsa nuk dihet ende shkaku i aksidentit.
Policia ndodhet në vendngjarje dhe po punon për zbardhjen e rrethanave të aksidentit.
