Një aksident i rëndë automobilistik ka ndodhur mbrëmjen e sotme në aksin rrugor Shkodër-Koplik.
Tre automjete janë përplasur me njëra-tjetrën, teksa mësohet se ka mbetur i plagosur drejtuesi i një prej mjeteve.
Gjendja e tij paraqitet e rënduar, ndaj dhe është transportuar me urgjencë për në spitalin e Shkodrës.
Shkaqet e aksidentit dyshohet të kenë qenë shpejtësia e lartë dhe terreni i lagur për shkak të shirave që kanë rënë gjatë gjithë ditës.
Policia ndodhet në vendngjarje dhe vijon hetimet për zbardhjen e plotë të shkaqeve të aksidentit.
