Një aksident i rëndë ka ndodhur pasditen e sotme në aksin rrugor Kukës-Morinë, ku për pasojë ka humbur jetën drejtuesi i mjetit dhe janë plagosur dy të tjerë.
Sipas raportimeve të para dy të plagosurit janë transportuar me urgjencë drejt Tiranës.
Të tre shtetasit e përfshirë në aksident janë nga qyteti i Fushë-Krujës.
Njoftimi i policisë:
“Më datë 18.06.2019, në aksin rrugor Kukës-Morinë, shtetasi P.M., banues në Fushë-Krujë, duke drejtuar mjetin tip “Opel”, ka humbur kontrollin e mjetit, ku për pasojë ka dalë nga rruga.
Për pasojë ka gjetur vdekjen drejtuesi i mjetit shtetasi P.M., si dhe janë plagosur rëndë dy pasagjerët, shtetasit H.D., dhe E.H., të dy banues në Fushë-Krujë.
Të plagosurit pasi kanë marrë mjekim në spitalin e Kukësit, po dërgohen për mjekim më të specializuar në spitalin e Tiranës. Grupi hetimor dhe Policia Rrugore e autostradës, po punojnë për shkaqet e aksidentit dhe dokumentimin e ngjarjes”.
