Një aksident i rëndë është regjistruar mbrëmjen e sotme në Fushë Krujë, si pasojë e të cilit kanë ndërruar jetë 3 persona.
Raportohet se ngjarja ka ndodhur në kryqëzimin e Borizanës, teksa mjeti “Audi” ku po udhëtonin 4 persona, është përplasur me një kamion.
Ka qenë automjeti i vogël i cili ka goditur kamionin nga pas, goditje e cila ka shkaktuar vdekjen e 3 personave. Mësohet se viktimë ka mbetur shoferi bashkë me 2 pasagjerët e tjerë, ndërsa pasagjeri tjetër është dërguar në gjendje të rëndë në Spitalin e Traumës në Tiranë.
Ende nuk dihen shkaqet e aksidentit, por dyshohet se shpejtësia ka sjellë humbjen e kontrollit të mjetit me të cilin udhëtonin 4 personat.
