Një aksident i rëndë automobilistik me pasojë vdekjen, është regjistruar mesditën e sotme në aksin Fier-Fermë.
Një automjet ka përplasur motoçikletën e drejtuar nga një 60-vjeçar, i cili fatkeqësisht nuk mundi t’i mbijetonte plagëve të marra.
”Sot rreth orës 14:00, në aksin rrugor Fier-Fermë, në vendin e quajtur “Kalçeto”, shtetasi A. S., 26 vjeç, banues në Fier, duke drejtuar mjetin tip “Benz” është përplasur me një motorçikletë tip “Lifan” me drejtues shtetasin R. T., 60 vjeç, i cili ka ndërruar jetë.”, informon policia.
Drejtuesi i mjetit tip “Benz” është shoqëruar në Komisariatin e Policisë Fier, dhe po kryhen veprimet proceduriale.
Grupi hetimor ndodhet në vendngjarje dhe po punon për zbardhjen e plotë të ngjarjes.