Një aksident i rëndë automobilistik është rejgistruar mesditën e sotme në aksin Lushnje-Divjakë, ku për pasojë dy persona kanë humbur jetën.
Sipas informacioneve paraprake, mësohet se shtetasi A. S., 51 vjeç, duke drejtuar automjetin tip “Benz” është përplasur me motomjetin tip “Lifan”.
Si pasojë e përplasjes, drejtuesi i motomjetit dhe pasagjeri në motomjet, kanë ndërruar jetë. Ngjarja e rëndë ndodhi në vendin e quajtur “Ura e Gradishtës”.
Nga policia është shoqëruar drejtuesi i automjetit dhe po kryhen veprimet procedurale. Grupi hetimor po punon për zbardhjen e rrethanave të ngjarjes.
