Një këmbësore ka humbur jetën në një aksident rrugor, në aksin Shkodër-Koplik. Mësohet se ka humbur jetën një grua, e cila ka qenë duke kaluar rrugën në momentin që është përplasur nga një mjet, me shofer shtetasin me inicialet Gj.D, 65-vjeç.
Identiteti i saj nuk dihet ende, por në vendin e ngjarjes janë forcat e policisë, që po hetojnë për shkaqet e aksidentit.
Po të njëjtat burime shtojnë se drejtuesi i mjetit, po dërgohet per ndihmë mjekësore në urgjencën e Spitalit Rajonal Shkodër.
