Pasditen e sotme është shënuar një aksident me pasojë jetën në Shkodër. Motorçikleta me drejtues shtetasin E. L. 36 vjeç, është përplasur me mjetin Audi, me drejtues shtetasin A. M, 50 vjeç.
Për fat të keq, drejtuesi i motorçikletës ka ndërruar jetë në Spitalin Rajonal Shkodër.
Njoftimi
Më datë 16.07.2020, rreth orës 19:00, në lagjen “Liria”, Shkodër, motorçikleta me drejtues shtetasin E. L. 36 vjeç, banues në lagjen Qemal Stafa, Shkodër, është përplasur me mjetin Audi, me drejtues shtetasin A. M, 50 vjeç, banues në fshatin Shtoj i Ri, Shkodër.
Si pasojë është dëmtuar drejtuesi i motorçikletës, i cili ndërroi jetë në Spitalin Rajonal Shkodër.
Në vendngjarje ndodhet grupi hetimor, ku vijon punën për sqarimin e rrethanave të aksidentit.
